كلنا عارفين ان الجن دى مخلوقات موجوده حوالينا فى كل مكان وان الجن ليس له سلطان على بنى الانسان الا اذا الانسان هو اللى سمحله انه يتدخل فى حياته .                       اسمى ( رامى ) امتياز طب اسنان جامعه القاهره انا اجرت شقه انا واصحابى علشان انا بلدى بعيده عن الكليه  ... دراستى للطب مامنعنتيش انى اتخلى عن شغفى وفضولى الى البحث فى العالم الاخر ومساعدة بعض الحالات اللى بها مس جنى ... فى الاول انا افتكرت انى خارق ومش بخاف وان محدش من العالم الاخر يقدر يتربصنى .... اتعرفت على شيخ بيصلى معانا وحكالى عن حالات كتير طلبت منه انى اساعده وهو وافق . كنت هساعد الشيخ احمد فى بعض الحالات لانه راجل كبير فى السن وساعات حاله المس بتكون صعبه بتؤدى الى عنف قاتل .. يعنى الشخص المسوس ممكن يضرب الشيخ وهو بيقرأ القران عليه ونظرا لحالة الشيخ احمد انه كبير بالعمر فكان عايز شاب معاه يقدر يتعامل مع الحالات . لاقيت اتصال على تليفونى اذيد من خمس مرات اثناء المحاضره ... لاقيت الشيخ احمد عايزينى ضرورى لانه فيه حاله هانروح لها بعد صلاه العشاء...